.png)
Идам Шириме Кыргысовна 1937 чылдың июнь 5-те Мөрен сумузунуң Чинчилиг деп черге арат Серенмаа Амыр-Чыргал биле Кыргыс Дамбаевичиниң өг-бүлезинге ийи дугаар уруу бооп төрүттүнген.
1947 чылда Сарыг-Булуң школазының бирги клазынга өөренип киргеш, 1958 чылда ол-ла школаны дооскан. 1958-1961 чылдарда Эрзинниң райком партиязының секретарь-машинакчызы болуп ажылдаан.
1961 чылда Эрзин суурнуң уруглар садының эргелекчизинге, 1962 чылда Эрзин райкүүскомунуң улуг бухгалтеринге, 1963-1965 чыддарда кожууннуң райпозунуң хереглекчилер ниитилелинге санакчы бооп ажылдап чораан.
1965-1973 чылдарда Эрзин районнуң социал хандырылга черинге улуг бухгалтер бооп ажылдаан. Оон 1978 чылга чедир харылзаа белдиринге улуг бухгалтерлеп, 1979-1982 чылдарда ПМК-5 албан черинге улуг бухгалтерлеп, 1982-1986 чылдарда районнуң сан-хөө килдизинге контролёр-ревизор бооп ажылдаан. 1986 чылдан хүндүлүг дыштанылгаже үнгүжеге Эрзин райкомунуң партия комитединиң улуг бухгалтеринге ажылдаан.
1991 чылдан тура ол хууда бода болгаш шээр малын өстүрүп чораан. Хөй-хөй шаңнал-макталдарның эдилекчизи. Амгы үеде ажы-төлүнүң аразында үлегерлиг эне бооп, ачы-дузазын көргүзүп чоруур.
Шириме Кыргымовна үш кыстың, бир оолдуң ынак авазы, хөй-хөй уйнуктарының кырган-авазы, хөй санныг ачымнарның энези.
Уругларының дамчыткан медээзинден
Эрзинниң 85 чыл оюнга. Кожууннуң сан-хөө угланыышкынының хөгжүлдезинге үлүүн киирген
28 Июл.
